I Sumnakay Fonoteka si jekh kotor andar o projekto Shamanelism, kerdo anda e identiteta e rromane kulturaqi. I res e kadale arhivaqi si anda i pakiv e rromane muzikaqi aj anda i konservacia e läutarutne barvalimosqi sar jekh kulturalno but kuć taxtaj vaś e akanutne thaj avutne generacie.

E rromane läutaria kerdine jekh originalno thaj vibrantno muzika, jekh muzika phangli k-e socio-kulturalno vriama thaj thana andar svako epoka. Lenqe orkestre baśavde k-e familiaqe evenimenturǎ thaj k-e baredivesa, azbanilindoj sa e odǎ, katar o maj barvalo ӡi ko maj

orroro manuś, e giljaça vaś o kamipe, i nädeźdea aj i dukh

I „Fonoteca Sumnakay” del amenqe jekh buxli digitalizatome kolekcia kaj si la maj but de sar 1000 romane muzikaqe kasete katar e berśa 1980-2000. Varesave si live ïnregistracie katar privatome evenimenturǎ thaj koncerturia, aver si albumuria aj komercialo kompilacie kerde and-i kadaja perioda. Amari arhiva kerel i dokumentacia anda i tranzicia e rromane muzikaqi katar e tradicionalone instrumentura (cimbalo, lavuta, akordeono) karing e elektrikane instrumenturia (gitara, baso, toba, orga), aj maj pala karing e digitalno produkcia.